یہ ایسے عقائد ہیں جو قرآن مجید یا حدیثِ متواتر یا اجماعِ صحابہ سے ثابت ہوں اور ان دلائل کی اپنے مفہوم پر دلالت قطعی اور واضح ہو۔ان دلائل کے قطعی الثبوت ہونے کی وجہ سے ان میں شک و شبہ کی گنجائش نہیں ہوتی اور قبعی الدلالت ہونے کی وجہ سے ان میں تاویل نہیں چلائی جاسکتی۔مثلا قل ھو اللہ احد فرمادو اللہ ایک ہے ۔اس کا ثبوت قطعی ہے کیونکہ یہ قرآن کی آیت ہے اور اس کی دلالت بھی قطعی ہے کیونکہ اس کا کوئی دوسرا معنیٰ نہیں ہوسکتا۔ایسے عقائد میں سے کسی ایک عقیدہ کا منکر بھی کافر ہوتا ہے۔مثلا: اللہ تعالیٰ کو واجب الوجود ماننا،اس کے وجوبِ وجود ،استحقاق عبادت اور مستقل صفات میں کسی کو شریک نہ ماننا ،اسے بے عیب سمجھنا،فرشتوں کو ماننا،آسمانی کتابوں کو ماننا،انبیاء و رسل کو ماننا،قیامت کو ماننا،تقدیر کو ماننا،نبی کریم ﷺ کو آخری نبی ماننا،حیاتِ مسیح علیہ السلام کا عقیدہ رکھنا ،کبائر کو قابل معافی سمجھنا،قرآن کو محفوظ سمجھنا،اور اس کے ایک ایک لفظ کو تسلیم کرنا ،عذابِ قبر کو حق سمجھنا،نفس معراج کو حق سمجھنا،شفاعت کا جواز ماننا،قیامت کے دن اللہ کی رویت کا عقیدہ رکھنا،ختم نبوت کے بعد کسی پر وحی کا نزول تسلیم نہ کرنا اور کسی کو مامور من اللہ نہ سمجھنا،انبیاء اور ملائکہ کو معصوم سمجھنا،غیر نبی کو انبیاء علہم السلام سے افضل نہ ماننا،سیدہ عائشہ صدیقہ پر بہتان کو غلط سمجھنا،نماز ،روزہ،حج،زکؤۃ اور جہاد کو ماننا۔

ماخوذ از تدریس العقائد ص13

انتخاب: سعید احمد